LAOAG CITY – Naiget ti koordinasyon ti Sugar industry stakeholders ken ti gobierno iti pananglaban da ti panagraira ti red-striped soft scale insect (RSSI) kadagiti pagmulaan ti unas.
Iti pannakitaripnong ti Asociacion de Agricoltures de la Carlota y Pontevedra Inc. (AALCPI) ken ti Universal Robina Corp. (URC) iti Sugar Regulatory Administration (SRA), inkari da ti naan-anay a suporta da kadagiti prorama ti ahensya tapno masolusyunan ti red-striped soft scale insect infestation.
Nagpokus ti taripnong iti panagtitipon ti pwersa ti Sugar Regulatory Administration ken dagiti sugar stakeholders tapno malabanan ti pest infestation.
Inpasingked met ni Asociacion de Agricoltures de la Carlota y Pontevedra Inc. manager Dave Alba a ti grupo da ken dagiti mill partners da ket nakasagana nga agkaykaysa tapno maalay-ayan wenno naan-anay a mapukaw dagiti epekto ti peste iti mill districts.
