LAOAG CITY – Saan nga agballaygi ti panagsubli ti Philippine National Police iti operasyon kontra ti illegal a druga.
Daytoy ti inbatad ni Bayan Muna Chairman Neri Colmenares.
Kuna na a saan a sulosyon ti panangpatay kadagiti drug pusher ken drug user.
Segun kenni Colmenares, ti sulosyon na ket masapul a maarestar ken maibalud ken dagiti lokal nga opisyal a mangsupsuporta ti illegal a druga.
Inbatad na a saan a dumakkel ti operasyon ti illegal a druga no awan ti mangtultulong manipud ti gobyerno.
Mainaig iti daytoy, masapul pay a maaddaan ti napintas a trabaho dagiti maseknan tapno saan da a turungen ti panaglako ti illegal a druga.
Innayon ni Colmenares a ti ammo ni Presidente Rodrigo Duterte ket maidalan daytoy iti nadawel a wagas kas iti pannakapatay dagiti durugista.
