LAOAG CITY – Nabakunaanen dagiti frontliners iti ciudad ti Batac manipud iti City Health Office ken dadduma pay a clinic partikular dagiti doktor ken nurse.
Umabot iti 300 a doses ti Sinovac ti naiyalokar para kadagiti frontliners iti nasao a ciudad.
Idi kalman a nangrugi ti pannakabakuna dagiti sumagmamano a frontliners ken naituloy ita nga aldaw.
Manamnama met nga iti sumarsaruno a bulan ket adda pay ti maipaay a bakuna iti nadakamat a ciudad para kadagiti frontliners.
