LAOAG CITY –Umaboten iti 10 a milyon nga indibidual ti apektado iti wildfire a napasamak idiay Los Angeles, ken sumagmamano kadagitoy ket nalalatak a personalidad.
Naruay metten dagiti nagbakwit, ken agpapan ita ket naiget nga isaysayangkat dagiti otoridad ti forced evacuation gapu ta posible a kumaro pay ti sitwasyon gapu iti napigsa nga angin.
Basar iti impormasion, nauram ti pagtaengan ti actor a da Billy Crystal ken Janice iti Pacific Palisades.
Malaksid kadakuada, naminpinsan met nga immabo ti pagtaengan ti Paris Hilton’s representative, ngem kunana a nagasat da latta gapu ta awan ti nadangran a kameng ti pamilya.
Agraman ti “General Hospital” actor a ni Cameron Mathison, ket nauram ti pagtaengan na. Inpost pay ti aktor iti online ti ininnut a panagkayamkam ti uram iti balay na.
Nagbakwit metten ti pamilya ti “Star Wars” actor a ni Mark Hamill agraman ti singer-actress a ni Mandy Moore.
Kabayatanna, maproblemaan dagiti bombero gapu iti kinakurang ti suplay ti danum.
