LAOAG CITY – Inlawlawag ni Barangay Kagawad Lilia Daguio iti Barangay Balacad ditoy ciudad ti Laoag a saan na nga ammo ti rason no apay a sinerraan manen ti Pamilya Simon ti dalan nga ummunan a napagsasaritaan iti barangay a pagnaan.
Ummuna iti daytoy, adda manen ti kastoy a napasamak iti kallabes rason a kinasarita da dagiti maapektaran nga agrikos da paylaeng.
Segun iti kagawad, adda met ti panagsasarita da iti barangay ken immanamong met ti pamilya Simon a mangted ti 2.5 a metro kas right of way iti daya a paset ti lote da.
Segun iti Kagawad, ti naited a right of way ket saanen nga iti dati a dalan, ngem saan na nga masinunuo ti kangrunaan a rason no apay a kastoy manen ti napasamak.
Gapo iti daytoy, nakapungtot met dagiti kabagyan dagiti maapektaran rason a sinerraan da met ti dalan ti Pamilya Simon gapo ta ipetpetteng dagitoy a pribado met laeng a sanikua daytoy.
Kabayatanna, kuna ni Kagawad Daguio a kidkiddawen ni Fr. Hernandez a maisubli ti poste ti alad iti lote na nga ummunan nga inikkat ti pamilya Simon nangruna ket saan met a maus-usar ken saan a naipakada nga ummuna kenkuana no diket iti laeng caretaker.
