LAOAG CITY – Nasuspenso ti sumagmamano a biyahe ti tren idiay New York gapu iti layos a gubuay ti Hurricane Ida.
Daytoy ti inbaga ni Ms. Dona Ranga, taga Marcos, Ilocos Norte ngem agdama nga agnanaed idiay New York.
Kuna na nga uray iti machine a pagalaan ti pagplete kadagiti bus ket nagshutdown kalpasan a nagpukaw ti suplay ti kuryente.
Inlawlawag na pay nga uray ti internet iti nasao a lugar ket adda ti sumagmamano nga oras a nagpukaw.
Kuna na nga iti uneg ti uppat a tawen na iti New York ket adda metten dagiti immuna a napasaran da a bagyo ngem nakarkaro iti iduduprak ti Hurricane Ida.
Innayon na a ti kangrunaan a naapektaran ti layos idiay New York ket iti Long Island, Brooklyn ken Jamaica a pakairamanan ti sumagmamano a paset ti Queens nga isu iti ayanna iti agdama.
