LAOAG CITY – Inadmitir ti Department of Public Works and Highways (DPWH) a maitantantan dagiti sumagmamano a proyekto imprastraktura ti gobierno.
Daytoy ket gapu iti pannakapaiget nga ar-aramiden tapno maliklikan ti pannakasayang ti pundo gapu iti korapsion.
Inbatad ni Department of Public Works and Highways Secretary Vince Dizon, makaapektar pay ditoy iti isyu ti maanomalya a flood control projects ken ti maiwaywayat nga imbestigasion.
Nupay kasta, kuna ti sekretario nga uray maladladingitanda ket masapul nga aramiden daytoy tapno saan a masayang ti kuarta ti tattao.
Kabayatanna, inpasigurado ni Dizon a maikarkarigatan dagiti napapateg a proyekto kas ti pannakaipasdek ti baro a rangtay idiay Cagayan nga inbilin ni Presidente Ferdinand Marcos Jr. nga iyalisto.
