LAOAG CITY – Na-kidnap dagiti sumagmamano a pupils manipud iti Catholic school babaen kadagiti armado a lallaki idiay central Nigeria.
Daytoyen ti maikadua nga adda ti napasamak a kidnapping iti uneg laeng ti maysa a lawas.
Naammoan a ti kaudian a panangatake dagiti armado a grupo ket iti St. Mary’s School iti Papiri, Niger state no sadinno nga addan ti pammilin dagiti otoridad ti temporario a pannakaserra kadagiti amin a boarding schools gapu iti ngumatngato a pangta iti seguridad.
Mainaig iti daytoy, basar iti Niger state authorities iti maysa nga statement, saan pay a makumpirmaran ti eksakto a bilang dagiti na-kidnap a pupils gapu ta manarimaan pay laeng ti panangimbestigar dagiti security agencies iti insidente.
Maipalagip nga adda ti 25 a babbai a pupils manipud iti boarding school iti asideg ti Kebbi state ti na-kidnap babaen kadagiti armado a grupo.
Kabayatanna, gapu iti umad-adu a panangatake iti West African nation ket naitantan dagiti naikeddeng a foreign trips ni President Bola Tinubu.
