LAOAG CITY – Adda pay laeng dagiti sumagmamano a residente ditoy ciudad ti Laoag nga agkedked nga agpabakuna kontra iti covid-19 virus.
Daytoy ti inbatad ni Jiwani Silva iti Vaccine Operator Center ditoy ciudad ti Laoag.
Kuna na a dagiti saan pay a nabakunaan kontra iti covid-19 ket isu dagiti agkedked ken saan pay a nakadesisyon no agpabakuna da wenno saan.
Inbalakad ni Silva kadagiti maseknan a no makadesisyon da nga agpabakuna kontra iti covid-19 ket tumawag da laeng iti opisina da.
Innayon na target da a magun-od ti herd immunity ditoy ciudad sakbay nga agngudo ita a tawen.
