LAOAG CITY – Naglikudan dagiti sumagmamano a senador nga awan ti dakes nga aramidda kalpasan nga inbtad ni dati a sekretario ti Department of Public Works and Highways (DPWH) a ni Manuel Bonoan a dadduma kadakuada ti nakaawat iti agingga iti P1 billion a “leadership funds.”
Kabayatan ti malversation case hearing kontra ken ni dati a senador Bong Revilla, pinaneknekan ni Bonoan a nakaawat dagiti senador iti P500 million agingga iti P1 billion nga alokasyon.Kunana a ni Juan Miguel Zubiri ti mangidikdiktar iti gatad a napan iti tunggal senador.
Sinaludsodd met ni Bonoan ti prosecution no asino pay ti nakagun-od iti listaan ni dati nga undersecretary ti DPWH a ni Roberto Bernardo.
Kunana a nakaorkestra ti flood control scam iti babaen ti kaadda ti listaan dagiti proyekto a pakai-funnel ti pondo ti publiko.
Kinuna ti dati a sekretario ti DPWH a nagun-od met dagiti ima da senador Bong Go, Robin Padilla, ken Jinggoy Estrada iti listaan. Kinuna pay ni Bonoan nga impatulod ni Sen. Imee Marcos ti panagyamanna iti tulongna.
