LAOAG CITY – Mabutbuteng dagiti sumagmamano nga Amerikano gapu iti panangideklarar ti Iran ti fair game.
Daytoy ket kalpasan ti nagbalin a panangbomba ni United States President Donald Trump idiay Iran.
Segun ken ni Bombo International News Correspondent Rene Ballenas manipud idiay Estados Unidos, ti fair game ket no adda ti makita dagiti Iranian a maysa nga Amerikano iti sadinoman a paset ti lubong ket mabalinda nga aramiden ti aniaman kontra kadakuada.
Gapu iti daytoy, inbatadna nga adda dagiti nasuspenso nga American Airlines nga agturong kadagiti paset ti Middle East.
Mainaig iti daytoy, inpakaammo ni Ballenas a saan a mabalin a makiraman ti maysa a Presidente iti gubat kadagiti dadduma a pagilian no awan ti pammalubos manipud iti Kongreso ken daytoy ket maysa nga impeachable offense.
Inlawlawagna a dagiti B-2 stealth bombers nga inpabanto ti Estados Unidos kadagiti tallo a nuclear sites ti Iran ket maysa a klase ti bomba a saan a bumtak iti tangatang no diket bumtak daytoy iti uneg ti daga nga adda ti agarup 100 agingga iti 300 a kadapan ti kaunegna.
Innayonna a gudua met ti desision dagiti Amerikano ti inaramid ni Trump a panangbomba idiay Iran.
Immuna iti daytoy, nangipila ni Texas Democrats Representative Al Green ti articles of impeachment kontra ken ni Trump.
