LAOAG CITY – Inbatad ni Mr. Gene Reginaldo, Dep Ed supervisor iti Mapeh iti Ilocos Norte a saan latta a maliklikan ti panagsakit dagiti atleta manipod iti Ilocos Norte.
Inpakaammo na a bayat ti kaadda da idiay Antique para iti Palarong Pambansa 2017 a mangrugi intono Abril 23 ita a tawen ket addan dagiti sumagmamano nga atleta a naggurigor gapu ti klima iti nasao a lugar.
Nupay kasta, inpasingked na nga adda ti dua a doctor a mangtamtaming kadagiti maseknan.
Kabayatanna, inpasingked ni Reginaldo nga ad-adda pay a pinaigetan da ti panagsanay dagiti atleta iti Ilocos Norte.
Inpakaammo na pay a sakbay ti pormal a panaglukat ti Palarong Pambansa 2017 intono Abril 23 ket adda iti maiyuswat a solidarity meeting intono Abril 22.
Kuna na a gagem ti nasao a taripnong a mailawlawag dagiti pagalagadan para ti nasao nga aktibidad.
