LAOAG CITY – Kinumpirmaran ni Police Supt. Edwin Balles, ti chief of police ditoy ciudad ti Laoag nga adda pay dagiti sumagmamano nga estudyante iti nagduduma a pagadalan a maipagarop nga adda ti pannakainaig na iti illegal a droga.
Inbatad na a daytoy ti naiget nga imonmonitor da gapu ta kaasi dagiti nagannak nga agsaksakripisyo tapno mapagadal da laeng dagiti annak da.
Reaksyon daytoy ni Balles kalpasan nga adda ti dua nga estudyante manipod iti maysa a catholic school a natiliw iti drug buy-bust operations.
Inpasingked na a masapol nga isayangkatan da iti operasyon dagiti estudyante a maipagarop nga adda ti pannakainaig na ti droga.
Kuna na a no saan da nga aramiden daytoy ket possible a nakarkaro pay ti pagbanagan dagiti maseknan.
