Simmangpeten ti sumurok 800 a delegates manipud iti Region 1 idiay Agusan del Sur para iti 2026 Palarong Pambansa.
Segun ken ni Mr. Cesar Bucsit, Spokesperson ti Department of Education (DepEd) Region 1, adda ti 831 a pakabuklan a bilang dagiti delegates manipud iti Region 1 indinto nga adda ti 600 a bilang dagiti atleta.
Inbatadana a nabara ti panagsarabo kadakuada ti probinsia ti Agusan del Sur manipud iti airport agingga a naitulodda ti Billeting Quarters.
Inlawlawagna nga apaman a nakasangpetda ditoy probinsia ket awan pay ti timmaod a problemada.
Kabayatanna, innayonna nga adda ti suporta ti Region 1 kadagiti atleta no sadinno a naikkan dagitoy ti financial assistance manipud kadagiti probinsiada.
