LAOAG CITY – Kinumpirmaran ni Mrs. Luz Edrada Troxell, iti Spring, Texas a naisublin ti suplay ti kuryente ken danum kalpasan ti snow storm iti lugar da.
Kuna na nga immabot iti dua nga aldaw nga awanan da iti suplay ti kuryente ken danum gapu ti nasao a kalamidad.
Segun kenni Troxell, nabengbeng pay laeng ti snow iti lugar da ken saan pay a natunaw.
Inpasingked na a simmayaat ti lugar da kalpasan ti snow storm.
Innayon ni Troxell nga arig a bayanihan ti panagtitinnulong dagiti residente iti nasao a lugar idinto nga iti sabali a paset ti Texas kas iti Dallas ken San Antonio ket nakaro pay laeng iti sitwasyon dagitoy.
Kabayatanna, inlawlawag ni Mrs. Divina Grace Valera, iti Washington D.C. nga imbes a napino nga snow ti nagtennag ket nagpasar da iti panagtudo ti yelo.
Daytoy ket gapu iti pannakaapektar da pay laeng iti snow storm.
Nupay kasta, nakapagsagana sakbay iti pannakapasar da ti nasao a kalamidad.
Inadmitir ni Valera nga adu dagiti nagpanic buying gapu iti snow storm idinto nga adda met dagiti NGOs a tumultulong a mangipaay ti seribisyo da kadagiti Pilpino.
