LAOAG CITY – Inarestar dagiti otoridad idiay Thailand ti lalaki kalpasan a nangpaltog ken nang-hostage pay.
Simrek ti agtawen ti 18 a suspek iti Patongprathankiriwat School iti Songkhla iti probinsia ti Hat Yai nga adda ti iggemna a paltog.
Maysa a mangisursuro ken maysa nga estudiante ti nasugatan iti pammaltog no sadinno a naaramidna pay ti mang-hostage.
Inbatad ni Deputy Superintendent Wichian Soboon a pinaltogan ti kapulisan ti suspek sakbay nga inarestarda daytoy.
Am-ammoen pay dagiti otoridad ti motibo ti suspek iti nasao a pammaltog.
