LAOAG CITY – Inakusaran dagiti prosecutors ti Estados Unidos ti nakatugaw a gobernador ti Sinaloa state idiay Mexico a ni Rubén Rocha Moya, ti pannakikunkunsabo na kadagiti cartel drug traffickers.
Ni Rocha Moya a naggapo iti partido ni Mexican President Claudia Sheinbaum, ket nakasoan kadwa na dagiti siyam nga agdama ken dati nga opisyal ti Mexico.
Nupay kasta, ti insungbat ti gobierno ti Mexico mainaig iti kiddaw ti Estados Unidos a pannakaarestar ken potensiyal nga extradition iti grupo ket nakurang ti ebidensya dagiti dokumento ti Amerika.
Naamoan a nabayagen ti alegasyon kontra ken ni Rocha Moya, a gobernador iti estado no sadinno nga isu ti ayan ti nabileg a Sinaloa Cartel.
Mainaig iti daytoy, naglikudan ni Rocha Moya ti alegasyon kontra kenkuana.
