Suspendido ti trabaho ita nga aldaw kadagiti pampubliko a pangopisinaan gapo iti napigsa a gingined

LAOAG CITY – Temporaryo a nagrikep dagiti amin nga opisina ditoy Ilocos Norte gapo iti napigsa a gingined para iti maiyuswat a safety inspections.

Iti abiso ti Office of the Provincial Administrator, work-from-home pay laeng ti set dagiti empleyado ita nga aldaw.

Ummuna iti daytoy, bayat ti napigsa a gingined ket rimuar amin dagiti tattao ken empleado kadagiti opisina ken pasdek negosyo.

Nagresulta pay daytoy ti panagpukaw ti serbisyo ti kuryente kadagiti sumagmamano a paset ti ciudad ti Laoag.

Adda met dagiti sumagmamano a bricks manipud iti 410-year old Bell Tower ditoy ciudad ti Laoag nga addaan ti katayag a 45 a metro ti naregreg.

Iti inisyal nga impromasyon, kuna ti Cheif Manitenance ng DPWH 1^st Enginerering District a ni Engr. Robert Rabago ken 2^nd Engineering District Engr. Matthias Malenab, agtultuloy ti inspeksyon ken assessment, ngem awan met ti naireport a major damages.

Maipalagip a narikna ti magnitude 7.3 a gingined no sadinno ti sentro na ket iti ili ti Lagangilang iti probinsya ti Abra ken ti ILocos Norte ket Intensity V.