LAOAG CITY – Inpakaammo ni Ms. Loelyn Acain, ti officer in charge iti city accounting office ditoy siudad Laoag a naipaayen ti sahod dagiti empleado ti Laoag City General Hospital (LCGH).
Kuna na a naited ti sweldo dagitoy idi maikatlo a lawas ita nga Enero pakairamaan ti clothing allowance.
Kabayatanna, inbatad na a nu pay saan na a masinunuo ti pakabuklan a bilang dagiti nakaawat ti sweldo ket inpasigurado a naikkan amin nga agpapaay iti nasao nga ospital.
Maipalagip nga immunan a nagreklamo dagiti staff iti Laoag City General Hospital idi 2022 gapu iti maipagarup saan a maited-ited a sweldo dagitoy.
Mangnamnama ni Acain nga awanen ti agbalin a problema kadagiti empleado ken agtultuloy ti pannakaipaay ti sweldo dagitoy.
