LAOAG CITY – Inbatad ni Energy Secretary Sharon Garin ti Department of Energy a manamnama a maikkat manipud kadagiti bill ti kuryente ti system loss charge inton tawen 2027.
Ti system loss charge ket dagiti baybayadan dagiti consumers iti kuryente para kadagiti kuryente a masaysayang bayat a dumaldalan daytoy manipud iti power plant a mapan kadagiti pagtaengan dagiti consumers.
Mainaig iti daytoy, inadmitir ti Secretario nga saan daytoy a nalaka nga ipatungpal ngem mabalinda ti mangi-isyu dagiti gakat a segun kenkuana ket posible a mangitantan iti implementasionna iti paset ti electric cooperatives.
Kabayatnna, inpetteng ti Secretario a ti oras a maimplementar ti panangikkat ti systems loss charge ket manamnama a bumaba ti mabayadan iti kuryente iti lima aginga sangapulo a porsiento, depende iti distribution facility.
