LAOAG CITY – Nagtalinaed iti kustodyar ti PNP-Dingras dagiti natiliw iti illegal gambling operation iti Brgy. Root iti ili ti Dingras.
Segun ken ni Police Captain Joseph Calderon, Chief of Police ti PNP Dingras, tallo nga agpapada a babbai dagiti natiliw kabayatan nga agay-ayam da ti tong-its nga addaan ti bet money a 200 a pisos.
Kunana a dagiti suspek ket agtawen ti 56, naasawaan, self-employed, ken ti maysa ket agtawen ti 61, naasawaan, housewife ken agpada dagitoy a residente ti Brgy. Root iti ili ti Dingras idinto a ti maysa pay ket agtawen ti 69, balo, housewife ken residente ti Brgy. Cali iti nasao nga ili.
Inbatad na a nakumpiskar dagiti gambling paraphernalias ken ti bet money.
Inlawlawag na a naammoan da nga adda ti agsusugal iti nasao a barangay kalpasan nga adda ti nangipakaammo kadakuada babaen iti panangtawag iti Police Station.
