LAOAG CITY – Nakairekord manen ti tallo a baro a kaso ti covid-19 ditoy probinsya ita nga aldaw, Oktubre 2.
Dagitoy ket IN-C121, agtawen ti 31 a babai, IN-C122, agtawen ti 36 a lalaki, agpada a residente iti Brgy. 32-C ditoy ciudad ti Laoag ket agpada a nakapulapol da ni IN-C117.
Kabayatanna, ni IN-C23 ket agtawen ti 26 a lalaki, taga Brgy. 6 iti ili ti Vintar, ken naggapo idiay Pasay City, Metro Manila.
Iti statement nga inparuk-at ni Governor Matthew Marcos-Manotoc, ni IN-C23 ket simmangpet idi setyembre 22 ken dagus a nai-quarantine apaman a nakasangpet ditoy probinsya ken ti pasyente ket awan ti marikrikna na a sintomas ti covid-19.
Agpada met a naka-isolate da IN-C21 kenni IN-C22 ken dagitoy ket asymptomatic.
