LAOAG CITY – Patien ni Mr. Helbert Castro iti Barangay 15 ditoy ciudad ti Laoag a napagtripan laeng dagiti tallo a nagkakalubbon iti motorsiklo ti pananggasgas da iti lugan na.
Segun kenni Castro, manipud sango ti lugan na agingga iti likod ket nagasgasan.
Inbatad na nga iti bigat ket nakita na nga adda ti atiddog a gasgas ti lugan na ken iti panangreview na iti CCTV ket tallo a nagkakalubbon iti motorsiklo ti akin-aramid.
Kunana a gapo ta saan a malasin ti rupa dagiti suspek ket plano na pay ti agpatulong ti National Bureau of Investigation (NBI).
Inbatad na nga apaman a mabigbig dagiti suspek ket desidio met nga agpila ti reklamo kontra kadagitoy.
Awan met ti ammo na a rason ken awan met ti nakariri na iti kallabes a mabalin kuma a pamunganayan daytoy
Mainaig iti daytoy, kuna ni Castro a saan laeng nga isuna ti nabiktima iti daytoy gapo ta uray ti lugan ti karruba da ket nagasgasan.
