LAOAG CITY – Inlawlawag ni Barangay Chairman Joseph Sumugat iti Barangay Abaca iti ili ti Bangui a tallo laeng ti nakaipatungpalan ti temporary lockdown kalpasan ti panagpositibo ti maysa a babai iti nasao nga ili.
Segun kenni Sumugat, kunana a dagiti tallo a sitio ti naiget a mabanbantayan kangrunaan na dagti pagserkan ken pagruwaran.
Sungbat daytoy ti kapitan iti dimmanon iti Bombo Radyo a maipagarop nga adda latta dagiti masktrek ken makarwar iti lugar da, ken maipagarop nga adda dagiti agay-ayam ti baraha ken aggi-inom.
Inbatad na nga idi adda ti damag nga adda ti agay-ayam ti baraha ket dagus met a nagturong dagiti kameng ti PNP-Bangui a nakakitaan da kadagiti wa lo a tattao ken nalapdan daytoyen iti napalpalabas a bulan.
Inpetteng na nga idi kalman ket nagturong dagiti otoridad iti lugar a pagay-ayaman ti baraha a naidanon iti Bombo Radyo ngem awan ti nakita da.
Kabayatanna, nagpanawagan ni Sumugat iti kabarangayan na a saan unay nga agruruwar.
