LAOAG CITY – Naarestar ti tallo nga indibidual gapu iti panagsugalda ti Lucky 9 iti Barangay 20 Paratong iti ili ti Paoay.
Basar iti Paoay Municipal Police Station, dagiti natiliw ket agtawen ti 33, naasawaan ken residente ti Barangay Nagbacalan iti ili ti Paoay, agtawen ti 52, naasawaan ken residente ti Barangay Veronica iti ili ti Paoay ken ti agtawen ti 24, awanan asawa ken residente ti Barangay Sta. Rita iti ili ti Paoay.
Nakumpiskar dagiti otoridad ti 40 a pedaso ti playing cards, maysa a pedaso ti one-thousand-peso bill, dua a pedaso ti One hundred peso bill, maysa a pedaso ti twenty peso coin, maysa a pedaso ti five peso coin, lima a pedaso ti one peso coin ken dadduma pay a gambling paraphernalia.
Iti agdama, nagtalinaed iti pagbalodan dagiti suspek ken sumango iti kaso gapu iti panaglabsingda iti Presidential Decree No. 1602 wenno ti Illegal Gambling Law.
