LAOAG CITY – Target ti Department of Agriculture (DA) a rugyan ti procurement process para iti farm-to-market road (FMR) projects intono Mayo ita a tawen.
Ti Department of Agriculture ket addaan ti ₱33-billion budget para iti farm-to-market roads iti babaen ti 2026 General Appropriations Act.
Segun ken ni Undersecretary for Agro-Marine Industrial Systems Arrey Perez a ti nasao a pondo ket sakupen na ti 1,605 projects nga addaan ti kaatiddog a 2,000 kilometers iti intero a pagilian.
Nupay kasta, kuna na a ti karit kadakuada ket saan da a basta maipinal ti magastos iti kada per kilometre gapu iti ngumatngato a presyo ti langis isut gapuna a naiget ti pannakikoordinar da iti Department of Public Works and Highways (DPWH) tapno i-standardize ti presyo.
