LAOAG CITY – Sumango iti kaso a panaglabsing iti PD 1602 wenno Illegal Gambling Law dagiti tallo nga indibidual a natiliw ken 15 a nakalibas gapo iti panagsusugal da iti maysa a minatayan iti Barangay 1, San Lorenzo, Laoag City.
Segun iti Philippine National Police, tallo ti natiliw da kabayatan ti operasyon ken 15 ti nakalibas ngem karaman latta a mapilaan ti kaso dagitoy.
Dagiti natiliw ket agtwen ti 29 ken agtawen ti 42 nga agpada a residente iti Barangay 1 ditoy ciudad ti Laoag, ken agtawen ti 22 a residente iti ili ti Currimao.
Nakumpiskar dagiti otoridad dagiti gambling paraphernalia kas iti baraha, table cloth, tugaw, lamisaan ken 6,021 pesos a pusta ken ti 9,030 pesos a nakasupot a nakaparabaw iti lamisaan.
Iti agdama, nagtalinaed met iti PNP-Laoag dagiti nadakamat nga indibidual.
