LAOAG CITY – Naiyalud-od agingga inton Hunio 30 ti panangipasa ti tax returns, panagbayad ti buis ken panagisubmitir dagiti kasapulan a dokumento iti Bureau of Internal Revenue para kadagiti taxpayer kadagiti lugar nga apektado ti magnitude 7.8 a gingined iti Mindanao.
Saan met a mapatawan ti multa, surcharge wenno interes dagiti taxpayer a makaisubmitir ken makabayad iti uneg ti extended tax deadline.
Sakup ti extended tax deadline dagiti taxpayer a nakarehistro iti General Santos City, Sarangani ken South Cotabato maiyallubog iti Revenue Memorandum Circular No. 62-2026.
Kabayatanna, gagem daytoy a maipaayan ti nayon a panawen ken nam-ay kadagiti naapektaran nga umili pakairamanan dagiti negosio kadagiti nasao a lugar kabayatan a mangiwaywayat kadagiti addang iti panagbangon manipud iti epekto ti gingined.
