LAOAG CITY – Saan a nailinged ni Taylor Swift ti panagbalinna nga emosional iti panagleppas ti ‘Eras’ tour-na idiay Canada.
Nagbalin a sold-out ti concert-na iti Rogers Canter iti Toronto no sadinno a napasardeng pay ti singer iti katengngaan ti kanta tapno idanon ti panagyamanna kadagiti fans-na.
Amin a nakaduana manipud iti production, banda ken amin kadagiti tattao ket nagyamananna.
Napalua isuna kageddan ti panangibagana a saan a maiganatadan ti ayatna idiay Canada.
Karaman kadagiti napan nagbuya iti concert-na ket ni Canadian Prime Minister Justin Trudeau a nakigeddan pay isuna iti panagsala kadagiti kanta ni Swift.
Naammoan nga adda pay ti tallo a concert-na a nabatbati iti Vancouver manipud inton Disiembre 6 agingga 8.
Dumanon agingga iti sumurok 150 a concerts ti inyuswat ni Swift kadagiti sumurok lima a kontinente.
