LAOAG CITY – Nagpinnirma ti Mariano Marcos State University Technology Business Incubator ken City Social Welfare and Development Office ti Memorandum of Agreement tapno matulungan dagiti Micro, Small and Medium Enterprises ditoy siudad ti Laoag.
Naammoan a ti nasao a Memorandum of Agreement ket pinirmaan da Mariano Marcos State University President Dr. Virgilio Julius Manzano Jr. ken dagiti opisial ti siudad nga indauluan ni Mayor James Bryan Alcid.
Inbatad ni Dr. Manzano a tumulong ti Mariano Marcos State University iti ad-adda pay a pannaka-develop ti produkto pakairamanan iti pannakailakona.
Innayonna a dakkel a tulong daytoy para iti panagrang-ay ti panag-negosio ti siudad ken pagsapulan ni Laoagueños.
