LAOAG CITY – Maysa a lugar idiay Germany ti mangipapaay ti arigna libre a pagnaedan a ti laeng kangrunaan a kaspulan ket ti panagkararag tapno maaddaan ti bukod a balay.
Ti Fuggerei, a maibilang kas oldest housing project iti Germany ket addan 500 a tawen a mangipapaay ti balay kadagiti marigrigat a residente iti Augsburg, Germany.
Naamoan a ti laeng pagrenta dagiti residente kadagiti balay ket .88 euros wenno katukad ti P54.85 ti kada tawen.
Iti uneg ti ado a tawen, ti Fuggerei ti nagbalin a sungbat iti kararag ti sumagmamano a Germans a narigat ti panagbiagna ket awan ti pagnaedan da.
Mapatta-patta nga addan ti 150 ti bilang dagiti agnanaen iti Fuggerei village nga addaan ti 140 nga apartments.
Nadisenyo dagiti balay iti Fuggerei nga agdidikket tapno alisto nga aggaammo dagiti agkakarruba.
