LAOAG CITY – Awan ti nakita a nagdumaan ni Executive Secretary Ralph Recto iti testimonia ni dati a Senador Antonio Trillanes IV ken iti report ti Anti-Money Laundering Council (AMLC) a naidatag iti House Committee on Justice.
Inbatad ni Recto, nagtugma dagiti detalye iti testimonia ni Trillanes ken iti dokumento ti Anti-Money Laundering Council nangruna kadagiti account, gataad ken bank transactions a maikonkonektar ken ni Vice President Sara Duterte ken ti asawana.
Agpada a nadakamat ti Anti-Money Laundering Council ken ni Trillanes dagiti bank account a karaman kasta pay ti petsa, gatad ken garaw ti kuarta no kasano daytoy a simrek ken rimmuar kadagiti account.
Innayon ni Recto, ti laeng saanna nga ammo ket ti pammabasol ti Bise Presidente a maipagarup nga adda ti pammalubos ti Malacañang ti panagsango ni Trillanes iti panagdengngeg ti Kongreso.
