LAOAG CITY – Maysa a textile company idiay China ti naki-collaborate kadagiti 30 garment makers tapno makagun-od ti Guinness World Record para iti titulo a “Largest Pair of Jeans.”
Ti 30 garment makers pakairamanan ti kompania a Yixing Textile Corporation ket dimmanon iti 18 nga aldaw tapno mabukel ti kadakkelan a pantalon nga adda ti kadakkelna a 250 feet ken 5 inches ti kaatiddogna ken ti siketna a 190 feet ken 10 inches ti circumference.
Ti maong ket naaramid iti 18,044 feet ti tela a denim, 25 feet ken 59 inches ti zipper ken addaan ti 3 feet ken 94 inches nga stainless steel button.
Ti kadakkelan a pantalon ket adda ti pakabuklanna a kadagsen a 3,599 kilos.
