LAOAG CITY – Nagun-od ti TNT Tropang Giga ti umuna a balligi iti iskor a 104-88 kontra iti Barangay Ginebra iti best-of-seven finals-da ti PBA Governors’ Cup.
Iti rugi pay laeng ti ay-ayamda ket immarangkadan ti TNT iti ay-ayam iti Ynares Center, Antipolo.
Inbatad ni TNT coach Chot Reyes a nagbalin nga epektibo ti sikretoda ket ti naiget a depensada.
Indauloan iti panangabak ni TNT ni Rondae Hollis-Jefferson nga addaan ti 19 points idinto nga addaan ti 18 points ni Rey Nambatac, 15 points ken ni Poy Erram ken 14 points ti nairekord ni Jayson Castro.
Nalimitaran laeng iti 23 points ni Justin Brownlee ken 14 points met ni Japeth Aguilar.
