LAOAG CITY – Natiliw ti Wanted Person iti Top 1 Provincial Level ti natiliw iti Barangay 7B ditoy ciudad ti Laoag.
Ti akusadao ket agtawen ti 29, awanan ti asawa ken residente iti Barangay Darasdas iti ili ti Solsona.
Naarestar daytoy babaen ti nagtipon a pwersa ti Solsona MPS nga idadaulwan ni Police Captain Belen Baoit PIU INPPO, PIT Ilocos Norte, RIU 1, HPG Ilocos Norte ken Laoag City police station.
Ti warrant of arrest ket inparuk-at ni Hon. Presiding Judge Homer Jay Dumlao Ragojan iti RTC Branch 24, Cabugao, Ilocos Sur a napetsaan ti Marso 8, 2022 gapo iti panaglabsing na iti RA 10883 Anti-Carnapping Law.
Narekomendaran met daytoy ti 300 a ribo a pisos a pyansa na para iti temporaryo a pannakawaya-waya na.
