LAOAG CITY – Ballagi a naarestar dagiti maibilang a Top 2 ken Top 3 wanted person iti ili ti Paoay babaen ti nagtipon a pwersa ti PNP Paoay ken Ilocos Norte Police Provincial Office (INPPO) nga indauloan ni PLt. Rodel Baradi.
Dagiti nasao nga akusado ket aglive-in partner.
Ti lalaki, ket addan iti umno a tawen, residente iti Brgy. 25 Callaguip iti ili Paoay, idinto a ti babai ket residente iti Quiling Norte iti siudad ti Batac.
Naarestar dagitoy babaen ti bileg ti warrant of arrest nga inparuk-at ni Hon. Elmer Bernando, judge iti municipal trial court iti siudad ti Batac idi Mayo 22, 2020.
Kabayatana, dagiti akusado ket naarestar iti Brgy. Balong-Bato, San Juan Metro Manila ken narekomendaran iti 12, 000 a pisos a piyansa.
Manamnama a maisangpet ditoy probinsya dagiti akusado ituno bigat ditoy probinsya ken maipila ti kaso a concubinage kontra kadakuada.
