LAOAG CITY – Nagballigi dagiti otoridad a nangtiliw iti maibilang a Top 4 most wanted person ditoy probinsya.
Ti akusado nga agtawen ti 63, naasawaan ken residente iti Brgy 18, Estancia, Sitio Utoy iti ili ti Piddig.
Natiliw ti akusado babaen ti bileg ti maysa nga Alias Warrant of Arrest a napetsaan ti Agosto 19, 2002 nga inparuk-at ni Hon. Judge Conrado A Ragucos iti Regional Trial Court Branch 16 ditoy ciudad ti Laoag gapu iti kaso a panagrames.
Awan ti nairekomendar a pagpiyansa ti akusado para iti temporaryo a pannakawaya-waya na.
