LAOAG CITY – Nagballigi ti nagtitipon a pwersa ti PNP-Laoag ken ti Provincial Intelligence Unit (PIU) iti Ilocos Norte Police Provincial Office (INPPO) a nangtiliw iti Barangay 12 ditoy ciudad ti Laoag ti maibilang kas Top 7 Most wanted Person ditoy probinsya.
Nabigbig ti akusado a ni Rey Segundo, agtawen ti 27, baro ken residente iti Barangay 33-B, Lapaz Proper ditoy ciudad ti Laoag.
Natiliw ni Segundo babaen ti bileg ti warrant of arrest gapu iti kaso na a panagrames.
Awan ti nairekomendar a piyansa ni Segundo para iti temporaryo a pannakawaya-waya na.
Iti agdama, nagtalinaed ti akusado iti kustodyar ti PNP-CIDG.
