LAOAG CITY – Inlawlawag ti Department of Health (DOH) a saan a naan-anay a ban ti ilunglungalongda no di ket ti pagannurutan laeng.
Inbatad ni Department of Health spokesman Albert Domingo, nakalukat ti departamento a makikoordinar kadagiti agar-aramid ti content maipapan iti taraon wenno ti naawagan a “Mukbangers.”
Kunana a ni Health Secretary Teodoro Herbosa ti nangibaga a kalikagumna a dumalan iti konsultasion kadagiti agar-aramid ti “Mukbang” tapno matarabayan.
Inpetteng ni Domingo a narisgo ti over-eating wenno sobra a pannangan nupay healthy foods pay daytoy ket adda ti dakkel nga epektona iti salun-at.
Immunan a nagpalagip ni Herbosa a napeggad ti mangan ti sobra kas kadagiti makitkita kadagiti “mukbang vlogs” a mabalin a mangitunda ti obesity ken posible nga agtennag iti hypertension, heart conditions ken dadduma pay a non-communicable disease ken atake iti puso.
