LAOAG CITY – Immapela ti nagduduma a transport groups ken ni Presidente Ferdinand Marcos Jr. a mangipatungpal ti dagus a solusyon iti direksyon ti ipatpatungpal a Public Transport Modernization Program (PTMP) gapu ta saan da a kunbinsido iti turturungen ti Public Utility Vehicle Modernization program.
Segun ken ni Pasang Masda national President Roberto “Obet” Martin, agdudua da iti kaawan ti direksyon a turturungen ti Public Transport Modernization Program (PTMP) gapu ta saan pay a nakasagana ti grupo ti transport tapno ipatungpal a dagus ti Public Utility Vehicle Modernization program.
Inpetteng ni Martin nga awanen ti direksyon ti nasao a programa ken saan a nalawag no pagtungpalan daytoy.
Innayon na a pagsasaritaan ti panagbalbaliw iti Public Transport Modernization Program ngem ti bulok a wagas ti
Land Transportation and Franchising and Regulatory Board ken Department of Transportation ket agpada nga awan ti timeline, nakurang iti feed back ken dialogue, ken maipagarop nga adda dagiti maprotprotehiran a tattao.
Immunan nga inrakurak ti Department of Transportation nga awan ti plano ti ahensya a temporaryo nga isardeng ti Public Utility Vehicle Modernization Program (PUVMP) ken itultuloy ti gobierno ti modernization program.
Mainaig iti daytoy, inrakurak ti Malakanyang nga agtultuloy ti pannakaipatungpal ti Public Utility Vehicle (PUV) Modernization Program, ngem inpetteng na a saan nga agdarasudos tapno awan dagiti maapektaran a sektor.
