LAOAG CITY – Inrakurak ti Trump administration a mangipatulod da ti ginasut a federal officers idiay Minneapolis, sumagmamano nga aldaw kalpasan ti pannakatay ti maysa a babai a ni Renee Nicole Good, agtawen ti 37.
Ni Good ket pinaltugan ti maysa nga US Immigration and Customs Enforcement (ICE) agent iti nasao a ciudad no sadinno a gapu iti napasamak ket mangipatpatungpal dagiti naruay a protesters ti tignay-protesta.
Inbatad ni Homeland Security Secretary Kristi Noem a ginasut a federal officers ti maipatulod kadagiti lugar a pakaisaysayangkatan ti tignay-protesta tapno masigurado ti kinatalged dagiti Immigration and Customs Enforcement ken Border Patrol individuals nga agtrabtrabaho idiay Minneapolis.
Immunan nga inkalintegan ti Trump administration a sinalakniban laeng ti agent ti bagina ngem ipetpetteng dagiti lokal nga opisyal a saan a nangitunda ti risgo ni Good.
Maipalagip a napasamak ti insidente idi Enero 7, 2026, iti paset ti Minneapolis kabayatan a maisaysayangkat ti federal immigration operation.
Basar kadagiti otoridad, maipagarop a pinaltugan ti agent ti lugan ni Good iti pammati na a mangitunda daytoy iti pangta.
