LAOAG CITY – Inanunsio ni United States President Donald Trump ti pannakaitantan ti panangpatawda ti baro a taripa kadagiti sumagmamano a produkto ti Canada.
Inbatad ni Trump a ti nasao a pannakaitantan ket kalpasan ti maysa a katulgan ti pagilian a United States ken Canada.
Sakbay iti nasao a pannakaitantan, manamnama koma ti pannakaipataw ti nasao a taripa inton bigat, Agosto 20 no sadinno ket manamnama koma ti pannakaipataw ti 50 a porsiento a taripa ti United States iti sumurok $20 billion iti Canadian imports.
Maipalagip a naaddaan ti saan a panagkinnaawatan ti United States ken Canada kadagiti sumagmamano nga isyu kas iti panangipataw ti US ti taripa kadagiti lugan bayat ti panangipawpawil ti Canada kadagiti sumagmamano a probinsia ti pagilianda ti panaglako kadagiti arak nga aggapo iti United States.
