LAOAG CITY – Adda ti bukud a pakulo da dati nga United States President Donald Trump ken Vice President Kamala Harris agaraup dua a lawas laengen sakbay ti United States Presidential election.
Nangrugi metten ti early voting kadagiti 26 nga estado iti pakabuklan a 50 nga estado.
Adda iti umuna a swing state ti Pennsylvania ni Trump ken manamnama nga agbuya daytoy iti ay-ayam ti Pittsburg Steelers ken mangisayangkat ti rally iti Lancaster.
Maysa kadagiti gimmick ita ni Trump kabayatan ti kaaddana idiay Pennsylvania ket napan isuna iti maysa a sikat a fast food chain ken nagaruat kas maysa a crew.
Makita a kinaduana dagiti crew iti nasao a lugar a nagisagana kadagiti orders.
Idinto a ni Harris ket nagselebrar iti maika-60 a panagkasangayna idiay Georgia.
Kinantaan isuna dagiti nagatendar iti misa idiay Georgia no sadinno a nagyaman ti bise presidente kadagiti supporters-na.
