LAOAG CITY – Kinumpirmaran ni Lt. Col. Eugenio Julio Osias iti Philippine Army Commanding Officer iti 81st Infantry Batallion nga adda iti uppat a maatap a kameng ti New People’s Army (NPA) a nasaripatpatan ditoy probinsya nga Ilocos Norte.
Inaramid daytoy ni Osias iti naiyuswat a Provincial Peace and Order Council Meeting.
Segun ken ni Osias, nakita ti dua a maatap a kameng ti NPA iti Barangay Sta. Ana iti ili ti Solsona idinto a dagiti dua ket nakita met iti Barangay Sto. Niño idiay ili ti Nueva Era.
Nupay kasta, kuna ni Osias a saan da pay a makumpirmaran no siasinno ti komander dagitoy ket no naggapwan da.
Kabayatanna, inpetteng ni Vice Mayor Aldrin Garvida iti ili ti Nueva Era a possible a maapektaran iti industriya ti turismo iti bukod da a lugar gapu kadagiti maipagarop a rebelde.
Gapu iti daytoy, kalikagom ti bise mayor a makumpirmaran a naimbag no dagitoy ket pudno a kameng iti NPA.
