LAOAG CITY – Temporaryo a pinawilan ti U.S. District Judge ni U.S. President Donald Trump nga agiwaras kadagiti National Guard troops iti estado ti California.
Daytoy ket kalpasan a maibilang nga ilegal ti desisyon ni Trump nga i-deploy dagiti National Guard troops iti Los Angeles kabayatan a maiwaywayat ti nalawa a tignay protesta kontra kadagiti immigration raids.
Segun ken ni Judge Charles Breyer, ti addang ni Trump ket ”illegal” isut gapuna nga inbilin na a maisubli a dagus ti kontrol ti National Guard iti babaen ni California Governor Gavin Newsom.
Dagus met nga immapela ti White House iti U.S Supreme Court mainaig iti desisyon ni Breyer.
Maipalagip a nangrugi ti isyu kalpasan nga in-federalize ni Trump ti National Guard ken inpatulod na iti Los Angeles gapu iti maipagarop a nadadamsak a protesta, uray immunan a kinontra ni Newsom.
