LAOAG CITY – Inakusaran ti Ukraine ken Russia ti tunggal maysa gapu iti ginasgasut a panaglabsing iti ceasefire.
Inrakurak ti Ukrainian military a nakaaramid ti Russian forces ti 2,299 a panaglabsing sipud nangrugi ti pannakaipatungpal ti katulagan.
Nupay kasta, inpetteng ti Russian defence ministry, nakaaramid ti Ukrainian forces ti 1,971 a panaglabsing pakairamanan ti tallo a pananggandat a panangatake iti Dnipropetrovsk region.
Inbatad ni Ukrainian President Volodymyr Zelensky nga agibales ti pagilianda iti panangatake ti Russia kadakuada iti baet ti ceasefire.
Inlawlawagna a nangiwayat ti 28 a panangatake ti Russia no sadinno nga adda ti dua a ribu a drone strikes ngem saanda a nagusar ti bomba wenno missiles.
Naammoan a basar kadagiti otoridad ket tinamaan ti drone ti Russia ti ambulansia a nakasugatan ti tallo a medics.
Kabayatanna, inpakaammo ti Russia’s defence ministry a nangiwayat ti Ukraine ti tallo nga overnight attacks iti Pokrovsk area ken Otradne iti Dnipropetrovsk region.
