LAOAG CITY – Balligi a naisayangkat ti Blood-Letting Activity iti Brgy. Davila iti ili ti Pasuquin.
Gapu iti daytoy, napalaos ti panagyaman ni Brgy. Chairman Elviro Agoo ti nasao a barangay kadagiti amin a nakipagpaset iti nasao nga aktibidad tapno agballigi ti panagukkon ti dara.
Inbatadna a dagiti sumagmamano a nakipagpartisipar ti aktibidad ket manipod iti Non-Government Organization ken dagiti dadduma ket miembro ti Riders.
Kuna ni Brgy. Chairman Agoo nga umabot ti 17 ti balligi a naikkatan ti dara a dakkel a tulong para kadagiti agkasapulan nangruna iti daytoy a panawen ti pandemiya.
Daytoy nga aktibidad ket nagbibinnuligan ti Mariano Marcos Memorial Hospital and Medical Center iti ciudad ti Batac, Barangay Officials ti Brgy. Davila iti ili ti Pasuquin ken ti Bombo Radyo Laoag kas Media Partner.
