LAOAG CITY – Inrakurak ti United Nations’ Food and Agriculture Organization (FAO) nga umabot iti 2.3 million metric tons ti naexport ti Pilipinas a saba iti napalabas a tawen 2023.
Daytoy ket 300 a ribo a metriko tonelado a nababbaba ngem iti 2.6 million metric tons a naexport ti pagilyan a Guatemala iti isu met laeng a tawen.
Gapo iti daytoy, saanen a ti Pilipinas ti maikadua a biggest exporter ti saba iti intero a lubong kalpasan ti innem a tawen.
Ti naudi a tawen nga adda iti maikatlo a pwesto ti Pilipinas iti kaado ti maipatulod a saba ket idi 2016 gapo iti panagsagaba ti lokal nga industriya ti tikag ken panagwaras ti peste.
Basar pay iti Food and Agriculture Organization, ti banana exports ti pagilyan idi napalabas a tawen ket saan na a kinabaelan ti demaand gapo iti panagkurang ti domestic output gubuay ti pangwaras ti fusarium wilt tropical trace (TR4), maysa a seryoso a sakit iti saba.
