LAOAG CITY – Maragsakan ni Mayor James Bryan Alcid gapu iti pannaka drug cleared dagiti 12 a barangay ditoy siudad ti Laoag.
Dinayawna dagiti barangay gapu iti pannakagun-odda kadaytoy.
Kunana a ti maysa manen a karit ket no kasanoda a masustinir iti pinagbalinda a drug cleared barangay.
Inbatadna a ikarkargitan dadduma a barangay nga agbalin a drug free ken kasta met iti panangtulong iti lokal a gobierno kadakuda.
Immuna iti daytoy naideklara iti 12 a brabgay kas a Drug-Cleared barangays babaen ti Regional Oversight Committee on Barangay Drug Clearing (ROCBDC), karaman ditoyen iti, Barangay 2 Sta. Joaquina, Barangay 9, Sta. Angela , Barangay 24, Nuestra Señora de Consolacion, Barangay 38-A Mangato East, Barangay 38-B Mangato West, Barangay 44 Zamboanga, Barangay 49-A Darayday, Barangay 49-B Raraburan, Barangay 53 Rioeng, Barangay 54-A Lagui-Sail, Barangay 56-B Bacsil South, ken Barangay 57 Pila.
Daytoy a pammigbig ti mangi-paneknek iti napintas a koordinasion ken panagtitinnulong ti City Government, Liga ng mga Barangay, Pulisia, City Health, DILG, PDEA ken aminen a timmulong iti panagbalin a drug-cleared a barangay.
