LAOAG CITY – Umabot iti 35 nga ubbing ti natay idinto nga innem a sabsabali dagiti nasugatan iti napasamak a crowd crush iti Christmas funfair iti ciudad ti Ibadan iti Nigeria.
Basar kadagiti residente, agarop 5 ribo nga ubbing ti naimbitaran iti aktibidad, ngem idi agsangpet dagiti organizers ket kellaat metten a nagtaud ti ado a tattao a nangitunda ti napasamak nga insidente.
Immunan ngai inkari dagiti organizers nga ipaayan da ti tulong pinansyal ken taraon dagiti tattao.
Mainaig iti daytoy, adda ti walo a tattao a tiniliw dagiti otoridad nga adda iti likudan iti aktibidad, pakairaman ti main organizer.
Indanun met a dagus ni President Bola Tinubu ti pannakipagladingit na iti pamilya dagiti biktima ken inbilin na ti pannakaiyuswat ti naun-uneg nga imbestigasyon seknan iti napasamak.
